48 - ‘આ’ ક્ષણની સભા / શોભિત દેસાઈ
સુગંધો શોધવાનાં વ્રણની સભા,
કસ્તુરીમૃગના પગમાં રણની સભા.
અંત લગ પંખીઓ રહે ગાતાં,
અને બરખાસ્ત થાય ચણની સભા.
ઠાવાકાં થઈ નિરાંતે બેઠાં છે,
પાંદડું જાણે હો કિરણની સભા !
બીજું તો શું થઈ શકે, ઓ દોસ્ત !
એકલો હું, ભરું સ્મરણની સભા.
ફક્ત ખારાશ એની ખૂંચે છે,
બાકી આ દરિયો ! છે ઝરણની સભા !
છે ‘હવે’ની ફિકર બધાને બહુ,
સાવ વિખરાઈ ગઈ ‘આ’ ક્ષણની સભા.
કસ્તુરીમૃગના પગમાં રણની સભા.
અંત લગ પંખીઓ રહે ગાતાં,
અને બરખાસ્ત થાય ચણની સભા.
ઠાવાકાં થઈ નિરાંતે બેઠાં છે,
પાંદડું જાણે હો કિરણની સભા !
બીજું તો શું થઈ શકે, ઓ દોસ્ત !
એકલો હું, ભરું સ્મરણની સભા.
ફક્ત ખારાશ એની ખૂંચે છે,
બાકી આ દરિયો ! છે ઝરણની સભા !
છે ‘હવે’ની ફિકર બધાને બહુ,
સાવ વિખરાઈ ગઈ ‘આ’ ક્ષણની સભા.
0 comments
Leave comment