70 - એકલો થઈ ગયો / શોભિત દેસાઈ
ક્યાં કશું પણ કરે છે બ્હેકીને ?
કોઈ નાનમ નથી વિવેકીને.
એકલો થઈ ગયો સૂંઘાઈને,
શું મળ્યું’તું કવિને મ્હેકીને ?
ગૂંગળામણ સહન નથી થાતી,
થાય છે, નીકળી જાઉં ઠેકીને.
ઝાળ પ્હોંચાડી છે નિયત સ્થળ પર,
એને, શબ્દોમાં શેકી શેકીને !
દર્દ પડખું બદલતું લાગે છે,
નામ જ્યારે ભૂલું છું છેકીને.
જૂનો ચળકાટ ક્યાંથી મળવાનો !
કાટ ચઢતો રહ્યો છે નેકીને.
કોઈ નાનમ નથી વિવેકીને.
એકલો થઈ ગયો સૂંઘાઈને,
શું મળ્યું’તું કવિને મ્હેકીને ?
ગૂંગળામણ સહન નથી થાતી,
થાય છે, નીકળી જાઉં ઠેકીને.
ઝાળ પ્હોંચાડી છે નિયત સ્થળ પર,
એને, શબ્દોમાં શેકી શેકીને !
દર્દ પડખું બદલતું લાગે છે,
નામ જ્યારે ભૂલું છું છેકીને.
જૂનો ચળકાટ ક્યાંથી મળવાનો !
કાટ ચઢતો રહ્યો છે નેકીને.
0 comments
Leave comment