27 - માત્ર મળીએ એટલો સંબંધ છે / શ્યામ સાધુ
માત્ર મળીએ એટલો સંબંધ છે,
દ્વાર ખુલ્લાં છે અને ઘર બંધ છે.
કોઈના દર્પણમાં દેખાયા નહીં,
કોણ જાણે ક્યા ઋણાનુબંધ છે !
માંડ એકાદી મળી પળ દેખતી,
આમ તો મારો સમય પણ અંધ છે.
કૈં ન હોવામાં કશું હોવું રહ્યું,
કેટલાં વિસ્મય હજી અકબંધ છે !
યાદનો મેં એટલે આદર કર્યો,
પાંખને આકાશથી સંબંધ છે.
દ્વાર ખુલ્લાં છે અને ઘર બંધ છે.
કોઈના દર્પણમાં દેખાયા નહીં,
કોણ જાણે ક્યા ઋણાનુબંધ છે !
માંડ એકાદી મળી પળ દેખતી,
આમ તો મારો સમય પણ અંધ છે.
કૈં ન હોવામાં કશું હોવું રહ્યું,
કેટલાં વિસ્મય હજી અકબંધ છે !
યાદનો મેં એટલે આદર કર્યો,
પાંખને આકાશથી સંબંધ છે.
0 comments
Leave comment