20 - યાદ કઈ અટવાય છે દીવાલ પર? / શ્યામ સાધુ
યાદ કઈ અટવાય છે દીવાલ પર?
લાગણી અફળાય છે દીવાલ પર.
દોસ્ત ! એનાં થઇ ગયાં આ બારણાં,
છાંયડા લહેરાય છે દીવાલ પર.
શબ્દની કુંજો ભલે ત્યાં પાંગરે,
શૂન્યતા સચવાય છે દીવાલ પર.
ઓશિયાળા થઇ ઊભા અંધારની –
વેદના અંકાય છે દીવાલ પર.
સાંજના ભૂલા પડેલા વાયરા,
થાકીને લંબાય છે દીવાલ પર.
લાગણી અફળાય છે દીવાલ પર.
દોસ્ત ! એનાં થઇ ગયાં આ બારણાં,
છાંયડા લહેરાય છે દીવાલ પર.
શબ્દની કુંજો ભલે ત્યાં પાંગરે,
શૂન્યતા સચવાય છે દીવાલ પર.
ઓશિયાળા થઇ ઊભા અંધારની –
વેદના અંકાય છે દીવાલ પર.
સાંજના ભૂલા પડેલા વાયરા,
થાકીને લંબાય છે દીવાલ પર.
0 comments
Leave comment