10 - હાથ ઝાલીને... / સ્નેહી પરમાર
પ્રતીક્ષાની ઘડી ને જાગરણનો હાથ ઝાલીને,
લખું છું કોઈ મીઠી સાંભરણનો હાથ ઝાલીને.
નથી વંટોળ એ પાગલ હવાનો મ્હેક-પર્વ છે,
ફરે છે ફૂદડી રજકણ, પરણનો હાથ ઝાલીને.
થશે તબદીલ બધાં પ્રશ્નો તમારા પણ જવાબોમાં,
ક્યામતમાં જશું જો એક જણનો હાથ ઝાલીને.
તૂટી જાશે પછી આ વાદળીનો ગર્વ જો જો ને,
નીકળશે પ્યાસ જ્યારે એક રણનો હાથ ઝાલીને.
એને ડુબાડવાના વ્યર્થ ઉધામા તું રહેવા દે,
શીખ્યો છે ચાલતાં એ, ખારવણનો હાથ ઝાલીને.
0 comments
Leave comment